Dooh ka NPP ya waroh 5 ngut ki MLA ko ha Nagaland

Ki 5 ngut ki MLA kiwa jop na ka National People’s Party (NPP) ha Nagaland da psiah noh ki cha ka Naga People’s Front (NPF) ynnin ka sngi.

Yeini da leh deiwa emlang u Chief Minister wei uwa man leh u President ka NPF, u Neiphiu Roi, u General Secretary ka NPF, u Achumbemo Kikon wa kiwi de ki heh ka Party.

Kini ki 5 ngut ki MLA toh u A Nyamnyei Konyak (48-Moka Assembly Constituency), u Nuklutoshi (22-Arkakong AC), u C Kipili Sangtam (59-SeyochungSitimi AC), u Dr. Tseilhoutuo Rhutso (9-Kohima Town AC) wa u Benei M Lamthiu (57 Thonoknyu AC).

Katkam wa ong ka NPF, kini ki 5 ngut ki MLA da psiah ki cha ka NPF dei mon yong ki wei deiwa hun yei yahkhmat u Rio ya ka sorkar wei deiwa ngait leh ya ka thong ka NPF wa ki kaam wa da leh ko.

Related posts

Yap le ngut ki sahep sorkar hadien wa noh ka kari chapoh synrang ha Mizoram

October 2, 2026

Yoh kem ya uwi u dalal heipor wa dang wan yah Bangladeshi chapoh Meghalaya

October 2, 2026

Neiliang u Rio da pynsñiaw u yei kmen yeini i rai ki 5 ngut deiwa ong wa ini daw pynkhlan ko ya ka NPF kam ka Regional Party kawa yahkhmat leh ya ka sorkar ha Nagaland.

Neiliang ka Secretariat ka Nagaland Legislative Assembly leh da pynbna ko wa katkam ka Paragraph 4(2) ka 10^th Schedule ka Constitution ka India deilang wa ka Members of Nagaland Legislative Assembly (Disqualification on Ground of Defection) Rules, 2019, u Speaker ka yung dorbar chna aiñ da tipmit u yeini wa psiah noh ki MLA ka NPP cha ka NPF nadooh ka 1 tarik uni u bnai.