Kiwa chong dukan ha tymud ka luti lai kjat wa hiar cha kchaaid Krangsuri da ood da naam ki yeiwa hap maad ki yeiwa eh wow yoh kamai neidaw wa da khang ya ka luti wow hiar cha ka kchaaid da ka chnat Tourism ya waroh wow pynemkaam nadooh kiwa uiñke suwari neidaw wa oor ka kynroh wa em ha chiteiñ luti nadooh u bnai June uni u snem.
Neiliang kiwa chong dukan dadep wan yachem ki ya u DC wa ki bor wa toh u pait yeini yow pynchna noh ya ini i kynroh iwa da toh u leh da slem tangwa hadooh kattæ leh ym em leh ki iyi iyi.
Hadien ini da lai paan yarap ki na ka KSU War Jaintia Circle heiwa da lai yachem ki wa ka SDO Amlarem Sub-Division, West Jaiñtia Hills District deiwa emlang kiwa chong dukan yow pyrkhat yeini wa chem chitom ki kamjooh kiwa uiñke suwari.
Ka seiñ da pynsñiaw ko leh yei pyrchah joor yei thmu wow pynsih yeiwa da chna da u warim wajah kiwa da neh da ki spah snem nadooh ki luti moo wa ka yingkieñ moo.
Neiliang ka SDO da kular ko wow chimkhia smat ya ini i kaam wei wow phah leh ya u tre wow pynkreh smat ya kani ka kynroh yow lait noh na ini i eh waroh.
Puræ leh: Da khang ya ka luti lai kjat cha kchaaid Krangsuri
Discussion about this post