Ki ar ngut kiwa na Meghalaya kiwa da mut wow lai chibynta ha ka 13th Pan Pacific Masters Games 2024 kawa daw pynman ha Australia ha uni u bnai da dooh ki wow lai neidaw wym yoh Visa ki.
Kini ki ar ngut toh ka Kmoin Wahlang kawa na Shngimawlein, South West Khasi Hills wa ka Wandashisha Dewkhait kawa na Nongsder, Ri-Bhoi District kiwa da pynkhreh bha wei dadep ki leh wow paan yarap na ka sorkar jylla yow pyndap yei bai lai bai wan ki.
Neiliang kiwa chong chnong ka jylla leh da dap ki dei sñiaw sarong yeini wei da e ki yei kyrchaan yow wanrah ki ya ka naam ka burom ya ka jylla deiwa mihkhmat ki ya ka ri.
Ka Kmoin toh kawa da pawnaam bha hei phet jngai wei ka deilang waka Wandashisha da chah jied ki wow mihkhmat ya ka India lyngba ka Pan India Masters Games Federation wei da jied ya ki neidaw wa da lehbha ki.
Kani ka 13th Pan Pacific Masters Games 2024 da toh u man ko ha ka 10 tarik uni u bnai ha Queensland, Australia wei ym tip wa lada dang biang por ya ki wow yaleh biang ki ya ka Visa.
Discussion about this post