Ka sorkar Meghalaya da phah ko ya ka PA Sangma International Medical College yow pyndam noh yei e thaw puræ (Admission) neibynta ki 13 ngut kiwa da e bhah hapoh ka State Quota khlem da paan bor na ka sorkar chwa wow ki leh yeini.
Ha ka hukum wa da pynmih da u State Health Commissioner & Secretary, u Joram Beda, da kdaw wa wa ka chnat ha ka 29 tarik u Naichiphaw uni u snem da soi soskular ko wa ka PA Sangma International Medical College neibynta 64 tylli ki MBBS Seat hapoh ka State Quota heiwa hapoh ka Khasi-Jaiñtia Category da em 26 Seat, hapoh ka Garo Category da em 26 Seat, SC/OST da em 3 Seat katwa ha ka Unreserved Category da em 9 Seat.
Kamtæ da ong wa 11 tylli ki Seat hapoh ka Garo Category wa 2 tylli ki Seat ha SC/OST Category ki ym ye wow pyndap ki heipor wa leh ya ka ‘Stray Vacancy Round’, tangwa kiwa pynlai ya ka PA Sangma International Medical College da pyndap ki ya kini ki 13 tylli ki Seat kiwa man kam ki State Quota iwa da leh da ka Counselling Committee khlem da paan bor na ka sorkar jylla iwa man leh pyrchah ya ka soskular.
Hajrong ini, ka sorkar Meghalaya lyngba ka Health and Family Welfare Department, da phah pyndam ko chisiendon ya ka Admission wa da e lyngba ka State Quota ya ki 13 ngut kiwa da yoh Medical Seat ha ka PA Sangma International Medical College wei wow pynuiñ leh ya ka poisa wa da su da kini kiwa lai puræ.
Da kdaw leh wa kini ki MBBS Seat toh u man ki du neibynta kiwa napoh ka jylla kiwa da em pyrtuid hapoh ka List wa da pynmih ka sorkar katkam ka State Reservation Policy wei da phah leh ya kiwa pynlai ya kani ka thaw puræ wow pyndap katkam wa da phah.
Discussion about this post