Jowai : Ynne i step synyaw heipor kamwa 1 waje da em i jia wa sñiawsih ha ka chnong Panichowki Reserve, Bhuban Hills, (Barak Valley) Cachar District heiwa da oor i khyndaw na uwi u loom ha iwi i yung yong u ma Dipherson langwar. Ini i yung em i hapoh i pait ka Kachudharam Police Station.
Ha ini i jia da dooh ya soo tylli ki mynsien kiwa kynthup ya ka kurim u ma Dipherson ki khon u wa wa u ksu yong oo wei da mynsoo leh u pyrsa kurim yong oo.
Ini da jia i heipor wa dang thiah ki wei i khyndaw chirup wa ki moo da oor i ha i yung wa em ki.
Katkam ka khubor wa da yoh da ong wa kiwa da khlad wei da chem yei metyap toh yong ka kong Youmila Lamurong kawa 45 snem i rta kawa man ka kurim u ma Dipherson Langwar wa i metyap ka Warlis lamurong kawa 25 snem i rta kawa man leh ka khon u ma Dipherson.
Hadooh wa e ya kani ka khubor dang em sa ar tylli ki metyap ki wym pu chem kitæ toh u Diwer Lamurong uwa dang 5 snem u khon u ma Dipherson wa ka Anisa Lamurong wa dang 3 ka ksu u ma Dipherson.
Ya uwa mynsoo da tip kam u Thious Shadap uwa man leh u kurim ka Warlis Lamurong.
Kini ki chnong heini toh wa da chong da ki Pnar wa ki War wei kini ki bru toh kiwa rep pathi.
Hadien wa jia ini da wan yarap da ki bru ka NDRF, SDRF, ki pulit, wa kiwi kiwi ki seiñbhalang.
Neiliang u Wyrta daw pyntip chooh chooh i cha phi hei yatoh weini.
Discussion about this post