Jowai: Katkam ka yutip wa yoh na ki pulit da ong wa ha ka 4 tarik uni u bnai u Sumeet Sagar na Jail Road, Shillong da ujor u wa heipor 7:00 waje i miet, da em ki damok wa psiah yabor ha i yung u wei da tooh ki ya i ksiar wa kiwi ki tiar wa kynjoh T. 45,000.
Ha ka 5 tarik u Sylvester R Marak na ka SBI Chibinang Branch (WGH) da ujor u wa heipor 2:50 waje i sngi da em uwi u bru u wym tipmit uwa da wan cha ka Cash Counter ka SBI Chibinang Branch (WGH) deiwa khut ya oo wow mih cha lait. Hadien ini da em ar ngut ki bru kiwa da dat ya u Sylvester.
Ha ka jooh hi ka sngi u Jitan Koch da ujor u wa ka thuk thuk yong oo kawa em u No. ML-08E-7498 kawa pynyieñ ha Hawakhana Tura (WGH) da chah tooh ko.
Ha ka jooh ka sngi u Thanbi Suchiang na Mooshrot (WJH) da ujor u wa heipor 5 waje i janmiet u khon yong oo ya uwa da tip kam u J. Dkhar (10 snem) heipor wa kyndehke u ha pchem yung da toh tymmoh u yei khlieh ha kawi ka plastic heiwa da dooh la-er u hadooh wa da khlaad noh u.
U Jayanta Saha na Polo, Shillong da ujor u wa ha ka tayaw wa nyngkong ka Naiynru wa ka Ms Amrita Medicos da dai ko ya oo ki dawai wa da kut por (expired) yeiwa da e ya ka kurim u kawa punkhon kamwa chi tayaw tam.
Discussion about this post