Shillong: Ka Punjab waka Mizoram daw yahcem ki haka Final ka Hero Junior National Football Championship ka Dr. BC Roy Trophy hadien wa ka Punjab da jop ko yaka Semi Final wa ar pyrchah yaka West Bengal ha JN Stadium ynne ka sngi wei kini ki jooh ki arliang da yachem ki ha kani ka jooh ka Final ynnin u snem.
U Seilenthang Lotjem da thap u yaka kool wa pynjop yaka Punjab da 1-0 haka minit wa 37 wei da ini i jop, ka Punjab da jop ko ya waroh ki soo tylli ki yalehke yong ka wei ym em chah thap kool ko chisien leh.
Ha kini ki soo snem, ka Mizoram waka Punjab da dep yachem ki le sien haka Final ka Junior Nationals, heiwa ka Punjab da jop ko ha u 2015-16 wa 2016-17. Katwa ynnin u snem ka Mizoram da jop ko yaka Punjab da 2-1.
Yaka Final uni u snem u pynman haka 6 tarik heipor 1:00 waje i sngi ha JN Stadium wei ka bai psiah man ko mynkna ya kiwa wan paitke.
Discussion about this post