Du 30 Second i riñ mynsien da ka Carbon Monoxide yap ki 5 ngut hapoh ka thlu um wa yillu 33 ft ha Shillong

I yap ki san ngut hapoh kawi ka thlu um wa em ha Dong Madan (Lane 4), Lapalang, Shillong toh neiwa riñ mynsien da ka la’ær bih kawa tip kam ka Carbon Monoxide Gas kawa mih na ka Pump um kawa pynemkaam yow taan ya ka um wei da pyntikna yeini da ki bru sorkar ynne.

Hadien wa jia ini ynnin, ynne ki bru ka Water Resources Department da lai ki deilang ki bru ka Meghalaya Police wa ki Fire & Emergency Services Search and Rescue Team yow lai pait ya kani ka thaw yow sñiawthooh yeiwa jia.

Neiliang u SDO ka Water Resources Department, u Larrypor Roy Nongbri, da ong u wa kini kiwa khlaad da riñ mynsien ki da ka Carbon Monoxide wa pynmih ka Pump wei kani ka thlu toh kawa khim bha.

Related posts

Baam smai u Paul Lyngdoh kam u Montri sorkar na ka NPP

November 2, 2026

Dei tympang i sñiaw ya kiwa da khlaad noh da leh warom ya ka All Souls’ Day ha Jowai

November 2, 2026

Da ong u wa i riñ mynsien da ka Carbon Monoxide kawa khor bha, yap ki bru hapoh 30 Second neibhah kani ka Gas toh kawa taan lut ya ka Oxygen wa em hapoh i doh u bru wei kini kiwa em hapoh ym emlaad de wow mih napoh kani ka thlu um.

U SDO da khana u wa kani ka thlu um toh kawa yillu kamwa 33ft wei man ko iwa maa chooh chooh manda lang ka Gas hapoh i thaw wa yillu.