theme-sticky-logo-alt
theme-logo-alt
Advertisement ad1
Advertisement ad1

Du 3000 ngut wow chimbynta hei lehkmen dap 50 snem ka Meghalaya, ym pu tikna u wan u Modi

U Montri Rangbah ka jylla, u Conrad K Sangma da pyntip u wa ka sorkar daw lai bait i kehkmen dap 50 snem ka jylla Meghalaya kawa daw pynman ha ka 21 tarik uni u bnai deiwa pyntip wa ka lehkmen daw pynman da kawa khian.

Hawa klam wa ki laad pathai khubor, u Montri Rangbah da pyntip u wa i lehkmen daw pynman ha JN Sports Complex, Polo ha ka 21 tarik nadooh i por 11 waje i step, wei daw chah wow ya chimbynta du 3000 ngut ki bru.

Katkam wa pyntip u Conrad, ka sorkar u bood pynrkhiñ ko ya ki kyndon wow yada na u COVID-19, deiwa chah du 30% ki bru wow chimbynta ya kiwa daw kynthup na waroh kawi ka jylla.

Ini wa dep neiliang ka sorkar da pynbna ko yei lehkmen dap 50 snem yong ka jylla wa daw pynman ha waroh ki District, tangwa neiliang u Montri Rangbah da ong wa i lehkmen ha ki District da pynsangeh noh neidaw wa ku biang kiwa yoh ya u khñiang COVID-19.

Neiliang yong ka sorkar jylla da khut sñiawbha ko leh ya u Montri Rangbahdooh, u Narendra Modi wow man kam u kongsan ha katai ka sngi, tangwa u Montri Rangbah ka jylla da pyntip u wa hadooh katni ka jylla ym pu yoh ko yei pyntikna na ka yung krehkaam u Prime Minister.

Heijooh i por u Conrad da pyntip u wa ka sorkar da rai ko wow sangeh noh chwa yei thmu wow wai ya ki 50 tylli ki kreh (Project) ha ka sngi lehkmen 50 snem wei da pyntip wa i lehkmen daw lai ko waroh chi snem wei ha kani ka chi snem ka sorkar da booh ko hadooh 300 tylli ki Project wow pynlait paidbah kam ka dak yong i lehkmen dap 50 snem yong ka jylla.

Share this:
Previous

Wa pyndooh NOC booh Coke Factory chah dat chah maham kiwa ksohkaam ka chnong Lumbangla

Next

E jait Dkhar u baar jylla, ujor ka Seiñ Kur Dkhar ha u DC