Ka Dorbar Chnong Narwan ha ka yalang kawa dang dep pynman, dei sñiawkhia yei chongsuk chongsaaiñ wei yow lai bait lai ryntih ki kaam Election MDC 2025 cha ka JHADC kawa daw pynman ha uni u bnai, da iwi i yumut khlem da em i thmu wow pyndooh næ khang yei mon laitlooid yong kiwon kiwon ki kyrtong ki wow yakhun ya ka Election, tangwa da booh ki kattu katni ki kyndon khnang wow ye u pynneh pynsah yei chongsuk chongsaaiñ hapoh ka chnong ka thaw kiwa man kamni:
Ym chah ya ki bru kiwa na baar wow wan yalap Election chapoh ka chnong palat yei por wa 9:00 waje i miet.
Da khang pyrchah ya kiwa yalap wow klam beiñ, u pynbaad, u klam khlem-akor ya kiwi.
Ym chah ya kiwon kiwon ki liang wow ya pynlang pynlum bru hapoh ka chnong næ harood ka chnong palat ya 9:00 waje i miet.
U chah du chisien ya u uwi u kyrtong wow pynman ya ka Public Meeting hapoh ka chnong.
Ym chah ya kiwon kiwon wow pynheh sur næ i rwai hapoh chnong palat yei por wa da booh.
Ym chah ya kiwon kiwon kiwa yalap Election wow psiah chapoh chnong ar sngi chwa wow poi ka sngi thap Vote katæ ha ka 19 wa 20 tarik u Feb 2025.
Da khang pyrchah ya kiwon kiwon kiwa saam poisa cha kiwa thap Vote hapoh ka chnong.
Ka dorbar chnong da kyntu ko ya waroh ki kyrtong wow ya ksohktilang wa ki aiñ chnong neibynta i bhalang yong waroh ki liang ka chnong wei da maham leh wa lada em kiwa tyngkheiñ ya kitai ki kyndon, ka chnong ye ko wow pyndooh yei pynman yalang wei ye leh u pynsangeh ya ka yalang wot lada sdang ka yalang leh.
Ka dorbar chnong da kitbok kitrwiang ko leh ya waroh ki kyrtong wa yaleh yow yoh ki ya iwa da thmu ki hei im yong ki.
“Ha ka yaleh daw em kiwa jop wa kiwa rem leh, tangwa waroh ki kyrtong toh i yong i hi lada jop næ rem leh. Ka chnong emkaam ko yei ya krehlang yong waroh khnang yow ye ko u leh ya iwon iwon wa da thmu neibynta i bha i miat haka imlang sahlang,” pynkut ka kyrwoh.
Discussion about this post