Jowai: Ki dkot ka Meghalaya State Kickboxing Association (MSKA) kiwa em waroh 38 ngut da mih ki ynne ka sngi yow lai chimbynta ha ka Cadets-Junior & Senior National Kickboxing Championship kawa pynman ha Raipur Chattisgarh ka wow sdang naddooh ka 6 hadooh ka 10 tarik uni u bnai.
Na ki 38 ngut wa kynthup lang leh ya ki Referee, Team Manager wa u State Representative 11 ngut toh ki kynthai kiwa chimbynta ha ka yakhun wa boon kyrdan heiwa kiwa khian rta dooh toh ar ngut kiwa dang 11 snem.
Ki chynrang won da em ki 24 ngut wei uwa khian rta dooh toh uwa 14 snem.
Ya kiwa jop neini daw chah jied ki wow lai chimbynta ha ka WAKO World Senior Kickboxing Championship 2017 ka wow pynman ha Budapest, Hungary nadooh ka 2-12 tarik u Khonchonglad (November) 2017.
Da pyntip leh wa em kiwa ym em tikna yoh ki u mih ynne ka sngi wa slem u pyntikna ya ka Sponsorship wei du ha ki kynta wa khaddooh da pyntikna wa da yoh ki ya ka Sponsorship.
Discussion about this post