Ynne ka sngi kam chibynta wow pynkhlan ya i yakhun pyrchah ya ka khlam COVID-19, u montri rangbah ka jylla Assam, u Himanta Biswa Sarma da wai u ya ka thaw sumaar wa 300 pyllong namo ka 300-Bed Covid-19 Hospital ha Sarusajai Stadium Complex, Guwahati.
Ya kani ka thaw sumaar da chna chirup wa ka Defence Research and Development Organisation (DRDO) wei da pyndep ya ka hapoh 20 sngi ha i lut wa T. 21.46 klur ha i thaw iwa heh kamwa 3,200 SqMt.
Da em ko 200 pyllong ha ka General Ward chirup wa ka Oxygen wa 100 tylli ki pyllong Intensive Care Unit (ICU) wei em ko leh ya ka X-ray, ECG, Laboratory, Pharmacy wa kiwi kiwi ki tiar sumaar.
U Himanta da ong u wa kani ka thaw sumaar u man ko kam ka chnat namo u pynyabi ya ka wa ka Guwahati Medical College & Hospital (GMCH).
