January 9, 2023
U Montri Rangbah ka jylla, u Conrad K. Sangma chirup i emlang u MLA ka Rongara-Siju, u Rakkam Sangma, ynne da wai u ya ka Greater Baghmara Water Supply Scheme ha Baghmara, South Garo Hills.
U Conrad da pynsñiaw u yei mynsien wa kmen wa da ye u wanrah yeiwa angnood ki paidbah ka Baghmara deiwa yaroh ya ki sahep ka PHE wa da pyndep ki ya ini i kreh.
I kreh ya ka Greater Baghmara Water Supply Scheme da sdang ha u Wisu (Mar) 2021 wei da pyndep ya ka ha u Kmaichonglad (December) 2022 ha i lut wa T. 63.50 klur.
Ya ka poisa neibynta ini i kreh da yoh na ka North East Special Infrastructure Development Scheme wei u myntoi ki 41,000 ngut kiwa chong chnong ka sor khian Baghmara.
Ha kani ka sngi u Conrad da wai u leh ya ka Housing Middle Income Group Building wa ka yung Circuit House wa thymme ha ka yalang wa tbian wa pynman ha Circuit House, Baghmara hi.
U Conrad da ban joor u yei emkaam ki kreh wow pynskem ha ki sorkhian wa ki District.
Chooh chooh u Conrad da lai pait u leh ya ka Water Treatment Plant ha chnong Lotnagar, Baghmara.
