U President ka HITO- West Jaiñtia Hills, u Owan S Paswet da ong u wa ka seiñ hadien wa yoo ko wa ym biang u pood u ang ka chnong Jowai, da lai yachem ko ya u Dolloi ka Elaka Jowai wow kylli hajrong ini heiwa da pyntip u wa da thung da ka Elaka Boundary Committee.
Hadien ini da lai ki cha ka JHADC wei da booh ki da ka RTI hajrong wow tip hajrong ini wei da chem wa du le tylli ki chnong kiwa biang u pood wa ki kot ki sla.
U Owan da ong u wa ha ka RTI da chem wa u Dolloi, u Sirdar wa ka Executive Committee ka JHADC donhi wa ye u pynbait ya u pood ki chnong.
Kamtæ da ong u wa da e dorkhat ki ha ka JHADC wow kyntu ya u CEM wow chimkhia ya ini i kaam neibhah i kheiñstiñ ka Council da man noh iwa sahteiñ da slem bha.
Neiliang u Vice President ka seiñ, u Deibormi Siangbood da ong u wa man iwa eh wow yachem wa u CEM ka JHADC heiyatoh wa ini i kaam wei ini daw pynchitom i ya ka pateiñ wow wan.
Heijooh i por da kyrpaad u ya u CEM wow pynlait por wow yachem wa ka seiñ manda wan pynsñiaw ko ya kam ini i chem chitom ki paidbah.
Discussion about this post