U Owansaki Paswet uwa jooh man kam u President ka seiñ HITO Jowai Circle, da chah beh seiñ u ha ka Central Body hadien wa pyrchah u yei pynman Mini Mela ha Iawmusiang, Jowai. Hajrong ini, ynne ka sngi da mih u wow pynche paidbah deiwa ong wa kam u bru wa kreh chit rhem neibynta ka imlang sahlang waroh chi kattu hanpaya hawa kreh neibynta i bha leh hakhmat ka poisa yap i kreh hok.
Khana u i daw wa pyrchah ya ka Mini Mela toh hadien wa lai li pait u ya katai ka Mela deilang ki para dkhot heiwa da chem u wa i rukom leh hapoh kani ka Mela man i wym ye u pdiang wei ym yahaap katkam ka aiñ najrong wa em ko ha pyrdi sor.
Wei heipor wa lai li pait chem ki wa wot ki khynnah skur leh yieñ ki heithaw yakhle khruk khruk iwa da pynpyrkhat bha ya oo heiyatoh wa ka mynried yong ki.
Da ong haroh u wa oo hi hawa lai u cha ki bor chnong wa cha ki chnat sorkar wei ym em lai dei bor samen tangwa dei railang ki para dkhot.
Khana haroh u wa heiyatoh wa kani ka Mela, da em wa tyrwa poisa ya oo, tangwa kam uwa booh ya yurim hakhmat wei ka poisa chadien, kamtæ oo lai bait u chakhmat, tangwa ym tip won u wa kopsar emyatoh hapyrdi kani ka Mela waka HITO Central Body neibhah manda lai bait u chakhmat mih noh ka Notice na ka Central Body wa da beh seiñ noh ya oo.
Heijooh i por ong u ka Executive Member ka HITO Jowai Circle paan pynche ko na u Deibormi Siangbood uwa da pynbaad pyrchah ya oo wei da kylli leh kiyi kitæ ki dkhot ka HITO wa lai lang chirup wa oo heiyatoh wa ka Mela.
Puræ leh: Pynche ka HITO yei pynmih khubor dawa khang ya ka Mela wa pynman ha Iawmusiang
Discussion about this post