Ynne hadien wa yoh yutip wa daw em uwa dai drug wa pyrtuid u Abdul Aziz Barbhuiya wa wan na Kalain yow lai cha Guwahati ha ka kari wa em Number AS-24D-2838, kamtæ ki pulit ANTF wa ki pulit ka Lumshnong PS da pynsangeh ki ya ka kari ha Tongseng hajan HP Petrol Pump, NH06 heiwa da yoh u ksoh ya kani ka kari.
Hawa kynreh ya ka kari deiwa emlang kiwa sakhi da chem 74 tylli ki khieh sabon wa em ya i lakhit rong umsoh.
Hawa Test da chem wa ini i lakhit toh i Heroin wa khia 926.40 gms wa chongdor T. 4.75 klur.
Kamtæ da kem noh ya u Abdul Aziz Barbhuiya (35 snem) uwa na Hailakandi, Assam deilang waka Mobile Phone wei ka takit dang lai ko chaphrang.
