Duna 6,000 tylli ki Non Tribal Employee’s Service License e ka JHADC hapoh 3 snem

Ka Dorbar Mang Tangka ka JHADC kawa man ka sngi wa ar ynne, neiliang u MDC ka Muthlong Sohkymphor, u Soki Lapasam da kylli u lada ka Council e ko ya ka Non Tribal Employee’s Service License cha ki baar jylla, heiwa u EM u Jesse Suiam da jubab u wa e hi.

U Soki da kylli u leh hadooh katwon tylli ki License wa da e nadooh 1 tarik u April 2022 hadooh 28 tarik u February 2025, wei da chem wa hapoh ini i por wa duna le snem da e hadooh 5926 tylli ki License cha ki baar jylla.

U Soki da kylli u ya ki jait kreh wa da e neibhah ym em u che ki kammon jait ki kreh wa da e License ka Council, wei ha kiyi ki kyndon wa da e ya ki, yeiwa da jubab u Jesse wa da emkaam u e ki ya ki dur, EPIC, NOC na u Waheh Chnong wa ka Residential Certificate.

Hawa kylli chooh chooh u Soki wow che i jait kreh wa kammon, neiliang u CEM ka JHADC, u Thombor Shiwat da ong u wa boi em i duna ha ka chnat wei u pynche noh ko kattu lada kiwa ah tmaaiñ, soor yinnep wa kiwi.

Related posts

Da wai ya ka Shooting Range wa em ha West Jaiñtia Hills hei lut wa ₹1.25 klur

November 5, 2026

Ka Nursing College wei pynku kyrdan ya ka Laskein kam ka Sub-Division toh kiwa emkaam bha: Conrad

November 5, 2026

U Jesse da ong u leh wa kat kiwa paan da e bait, yeiwa ka MDC na Narpuh, ka Deivipaya Tongper da ong ko wa emkaam leh u pyrkhat ya ki bru yong i khnang wow yoh kreh ki.