U Montri Rangbah ka Meghalaya, u Conrad K Sangma hawa yachem wa u Montri ki kaam puræ puthi hapoh ka ri, u Dharmendra Pradhan ha Delhi ynne ka sngi da pynsñiaw u yei sñiawngooh wa ka sorkar pyrdi lyngba ka North East Regional Institute of Education (NERIE) da pynyoh ko ya ka B.Ed Course hapoh ka jylla.
Tangwa da sñiawkhia u wa kani ka B.Ed Course toh kawa ye u pdiang du 50 ngut donhi kiwa lai puræ wei kitæ leh toh neibynta ka thaaiñ North East waroh kawi.
Chooh chooh da ong u wa na ki 50 tylli da booh duna bha ka bhah neibynta kiwa na Meghalaya hawa nujor wa ka bhah wa da booh neibynta kiwa na kiwi ki jylla.
Kamtæ u Conrad da kyrpaad u wow pynku yeini wa ye ka NERIE, Meghalaya wow chim ya kiwa lai puræ na waroh ki jylla khamtam kiwa na Meghalaya kiwa lai puræ ha ka NERIE.
