Ka Secondary School Leaving Certificate (SSLC) Exam 2026 wa pynman da ka MBOSE, da sdang ko ynne ka sngi deiwa wan yaleh da 48,793 ngut ki khynnah na ki 1935 tylli ki skur kiwa man kam ki Affiliated wa ki Non-Affiliated School. Ynnin u snem kiwa yaleh da em ki 63,682 ngut iwa mut wa duna da 14,889 ngut namo duna da 23.38%.
Ha uni u snem ki chynrang da em 20,210 ngut kiwa yaleh katwa ki kynthai da em ki 28,583 ngut.
Kiwa yaleh kam ki Private da em ki 164 ngut, ki Non-Regular 495 ngut, kiwa yaleh Improvement 5 ngut katwa kiwa yaleh Compartmental won 604 ngut.
Ki thaw thoh Exam ha waroh kawi ka jylla da em ki 171 tylli.
Hawa yoh u lait pait ha ki kattu katni ki thaw wa pynman Exam ha Jowai da chem wa man ko kawa lai bait lai ryntih deiwa wanlang ki bei ki pa ki khynnah yow lai e mynsien ya ki khon ki kti chwa wow sdang thoh Exam.
Kam wow pynkynmoo wa ka SSLC Exam daw kut ko ha ka 11 tarik u February 2026.
Discussion about this post