15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Duna T. 10 lak yoh lum kuna ki pulit na kiwa tyngkheiñ yaka Lockdown, chah kem 254 ngut

0 Comments

Shillong: Ka chnat pulit da yoh ko hadooh T.10 lak duna ha ki chi bnai tam nadooh wa da pynkrehkaam ya ka khang chnong næ Lockdown, wei da pynngat kyndon aiñ leh ya boon ngut ki bru kiwa yaleh pyrchah ha ki sngi wa em ka Curfew.

Hawa yaklam wa u montri kaam pohyung ka jylla, u Lahkmen Rymbui da pyntip u wa nadooh wa da sdang ka khang chnong hadooh ka 4 tarik uni u bnai, i pynkheiñ ya kani ka hukum wa yaka Curfew ha ka jylla waroh kawi da em hadooh 1098 tylli, na kini da kem leh 254 ngut ki bru, katwa ki kari wa ksoh noh da ki pulit em ki 46 tylli, 84 tylli ki FIR wa da ujor katwa ka kuna wa da yoh u lum na kitu kiwa tyngkheiñ ya ki kyndon poi ko T.9,48,400.

U Rymbui da pyntip u leh wa ki pulit da Screen ki ya 51,672 ngut ki bru ha ki 15 tylli ki thaw wa da booh yow pait yow sylli ya i lai i yieñ ki kari.

Ha iwi i liang, u montri da ong u wa lada pait ya i yukheiñ wa da yoh da ka chnat pulit pynyoo wa boon na ki paidbah da ya ksohkti wei kyrchaan ki ya i khang chnong wa da pynbna da ka sorkar, wei da pynsñiaw u yei kyrmen wa ki paidbah u pteiñ ki wow kohngooh ya ki kyndon wa da phah da ka sorkar hadien wa da pynyinsur yaka khang chnong.

Previous
Next

0 Comments

Leave a Reply