Ka Shillong Lajong FC da pynkhyrngiat ko ya kawa rem Final ynnin u snem ha ka Durand Cup, ka East Bengal deiwa jop da 2-1 ha ka yalehke Quarter Final ka 133rd Indian Oil Durand Cup kawa da pynman ynnin ha Shillong.
Ya ka Lajong da thap da u Marcos Rudwere Silva wa u Figo Syndai katwa ya ka East Bengal da thap da u Nandhakumar Sekar.
Ka Lajong da thap ko pyn ha ka minit wa 8 da u Marcos Rudwere Silva lyngba ka Corner wa chut da u Hardy Cliff Nongbri kawa da neh hadooh wa kut ka kylla step.
Ha ka kylla miet, ka East Bengal da yoh ko wow su kylliang ha ka minit wa 77 da ka kool wa thap u da u Nandhakumar Sekar.
Ka Lajong da ye ko wow pyntam chwa wow kut ka yalehke ha ka minit wa 84 da ka kool wa thap da u Figo Syndai.
Ini da man ko ka sien nyngkong wa psiah Semi Final ka Lajong ha ka Durand Cup wei daw yachem ko wa ka North East United ha ka 25 tarik uni u bnai heipor 5:30 i janmiet.
Discussion about this post