Ka High Court ka Meghalaya da pynmih ko ya ki kyndon hawa pynkut yaka mukotduma PIL wa da yaleh heiyatoh wa i khooid ka nan Umiam.
Ha ka hukum wa da pynmih haka 19 tarik uni u bnai da booh ya kini ki kyndon:
Da phah wow booh ya ki kyndon kiwa kdaw chaphang kani ka PIL da ki Steel Display Board kiwa em ya ki Bar Code wa Case Number ha ki thaw paidbah næ kiwon kiwon ki thaw sa suk ki bru u yoo ha nan Umiam.
Kini ki thaw wa da jied to booh ki leh ha waroh ki Website ka sorkar yow tip ki bru yeiwa emkaam.
Da khang leh wow em kiwa chongdai kiwa pynyieñ kari ha ki thaw wa da ye u chim biang neibynta i bha i miat ka nan lait noh deiwa chah da ka aiñ.
Ym toh leh u e bor wow pynman ya kini ki thaw kam ki thaw pynyieñ ya ki kari kamjooh ki kari kamai iwa daw pynthut yei lai i wan ki paidbah khlem da yoh bor.
Ym em wa em hok wow chna iyi iyi iwa chipor kamjooh iwa da chna pura ha ki luti lai kjat khlem da yoh bor wei lada em kiwa leh yeini, ki bor sorkar toh u lai tympra ki yeini wa da chna.
Lada em ki sahep sorkar kiwa da pyntip wow leh yeini ym ye ki wow bood ya ki kyndon, toh u pynchitom ki wei wow thoh yeini hapoh ka Service Register yow lait ki u yoh u ku kyrdan namo ka Promotion.
Discussion about this post