Uwi u bru uwa kyrni ka yalehke ya ki Online Gaming uwa na Fatehpur, Uttar Pradesh da tynyap u pyn yaka bei u yow lai kam yaka Insurance yow su yaka ram u.
Ki pulit ka Fatehpur da kem ki ya uni u bru uwa tip kam u Himanshu uwa da lai noh yei matyap ka bei u ha rood ka wah Yamuna wei yeini da pynbna ki ynnin ka sngi.
U Himanshu toh uwa yalehke deiwa pynemkaam da ka Zupee kawa em kiwa boon ki yalehke kam ka Ludo wa kiwi de kawa ye ki bru wow yalehke da ka poisa heiwa da dap ka ram u hadooh Rs. 4 lak kawa da chim u na ki bru ka wym ye de u wow su iwa da pynman ya oo wow leh yeini i kaam.
Ki pulit da pyntip ki wa u Himanshu da tooh u yei ksiar ka nia u wei da pynemkaam u yaka poisa wa yoh u na ini yow thied Life Insurance kawa chongdor mar Rs. 50 lak neibynta ka bei wa u pa u.
Da tynyap u ka ka bei u kawa tip kam ka Prabha deiwa ksih na rdang heipor wym em u pa u ha yung wei da song u yei metyap ko hapoh kawi ka churia wei da kit u ka deiwa pynemkaam da ka Tractor wei da lai noh u ka ha rood ka wah Yamuna.
U pa u da liwan yung u hadien wa wan na ka Chitrakoot Temple, wei da chem u wa u khon deilang waka bei u ym em ki ha yung.
Kamtæ da sdang u wow thooh ki wei da khana kiwa jan yung wa da yoo ki ya u Himanshu wa lai yah u ka ka Tractor hajan ka wah Yamuna.
Ki pulit da pyntip ki wa hadien wa chem ki yei metyap da lai kem ki ya u Himanshu uwa da phla wa da tynyap u yaka bei u yow ye u su yaka ram u.
Discussion about this post