theme-sticky-logo-alt
theme-logo-alt
Advertisement ad1
Advertisement ad1

E bor u SDO ka Amlarem Sub-Division wow pyndep ya ka Kali Puja

Advertisement ad1
Advertisement ad1

U Sub-Divisional Officer (Civil) Amlarem Sub-Division da pynmih hukum u yow e bor ya ka Muktapur Kali Puja Committee wow pyndep ya ka lehniam wa ki lehkmen ya ka “Shri Shri Kali Puja” ha ka 04-11-21 ha Muktapur Puja Temple deiwa bood thij ya ki kyndon sorkar wa da pynmih.

Hap leh wow bood ya ka hukum ka Supreme Court ka India wym toh u pynemkaam ya ki tanghaæng P.A. System palat 10:00 waje i miet.

Ym toh wow thang kiwon kiwon ki jait bomkala ha ki thaw paidbah wa ha ki luti ki syngkieñ.

Ym toh wow dai ya ki kiad lane kiwon kiwon ki dih pynmuaid ha ki thaw wa pynman ya ka Kali Puja.

Da booh leh ya ki Executive Magistrate wa u Sub-Divisional Police Officer, Amlarem yow pait yei pynkhreh wa toh katkam ki kyndon ka Standard Operating Procedure.

Ym chah u wan kiwa em 65 snem chaneiñ, ki bru wa em chwa i chitom, ki kynthai wa punkhon wa ki khynnah heiwa da phah wow neh ki ha yung. Katwa ki bru wa da dep yoh ya waroh arsien i tika ye ki u chimbynta ha ka lehkmen Puja.

Da phah leh ya waroh kiwa pyndep ya ka lehniam, ki dkhot ka CPC, kiwa yarap, kiwa choh bom, ki Volunteer wa embynta ha ka lehkmen Puja wow man ki kiwa da dep yoh tika.

Heiyatoh wa i chna Pandal, toh u man ki kiwa pyngngad ym toh kiwa tymmoh khlup wei toh leh u booh jar jiar i thaw psiah thaw mih. Hap leh wow booh ya ki dawai sait kti namo ki Sanitizer Dispensers lane ki thaw sait kti wei lada ye wow booh wa ki tiar thaw chit ya ki bru.

Ym toh u chna ya ki Pandal ha ki sarok PWD wei toh u heh ki katkam wa antaad i boon bru, wei toh leh u booh ya ki CCTV wei ym toh u booh kiwon kiwon ki khilon pdiang sñiawbha ha u sarok PWD.

Toh leh u pynche bha ya ka luti wow lai cha ka Pandal.

Toh leh wow yabhah yei por wa chah u psiah ki bru chapoh Pandal yow lait nei khynnia wei ki bru ym toh u em ki palat 50% na iwa hoi u em hapoh Pandal. Waroh ki bru toh u sap Mask ki ha waroh ki por.

Toh leh u pynkhreh ya ki kari yow kit ya kiwa chitom lane kiwa yoh ya ki dak wa chitom.

Toh u pynbna paidbah leh wa toh wow lai paitke du ya ki Pandal wa em ha ki jar jiar ki dong wei wow yait u lai paitke ya kiwa em cha kiwi ki dong.

Lada em kiwon kiwon kiwa dang chah ktah ha u COVID-19, kiwa man kam ki High Risk Contact lane kiwon kiwon kiwa wan na ki Containment Zone wa poi cha ki Pandal, daw chah pynchitom ki katkam ka aiñ.

Heiyatoh wa i noh Blai, ki Puja Committee deiwa ya krehlang wa ki DC lane ki SDO (Civil) daw pynbait ki kammon wow leh wei katwon tylli ki Blai wow chah u pynngam um.

Ym chah leh wow pynman ya ki lai paidbah hepor wa li noh Blai.

Ya ki Puja Committee wa rah lang wa ki dur Blai, u chah wow em du 20 ngut ki dkhot deiwa pynemkaam ya ar tylli ki kari khian wa kawi ka kari heh yow bood ya i dur Blai cha i thaw lai noh.

Ki Puja Committee won ki wym em rah Blai yow lai noh, u chah du 9 ngut ki dkhot deilang wa 2 tylli ki kari khian.

Ki Puja Committee daw jied ki ya ki dkhot ki wow em hapoh kari deiwa e leh ya ki da ki Identity Card yow lait nei kulmar wei katwa ye wow pynduna yei yabi bru heipor wa lai noh Blai.

Waroh i noh Blai toh u pyndep hapoh 4:00 waje i janmiet wei waroh ki lehkmen toh u pyndep hapoh 10:00 waje i miet.

Heiyatoh wa ka Sandhi Puja, u chah wow pynman ha ka 13-10-21 hapyrdi i por 10:30 i miet hadooh 12:30 i step synyaw deilang wa i choh bom kattu katni minit donhi.

Share this:
Previous

Wai ka Bansara Eye Care Centre ya ka thaw sumaar khmat ha Nongpoh

Next

Khang ka HNYF ya i dukan Jio ha Nartiang wym ye ko u pynuiñ ya ka poisa ki paidbah