Ka JSU seiñbei ynne ka sngi da lai e dorkhat ko ha u DC ka West Jaiñtia Hills District yow kyrpaad ya oo wow pait bniah bha yaki Exam Centre chwa wow pynman yaka CUET Exam khnang wow lait nei klumar kiwa pynlai yaka Exam kamwa da dep jia ini wa dep heipor wa pynman NEET ha St. Mary Mazzarello Secondary School, Jowai.
Ka seiñ da e buit ko ya u DC wa toh u lai pait ya ki thaw thoh Exam dei khmat lada biang i rukom pynkhreh manda thoh CUET kawa daw pynman haka 15 tarik hadooh 18 tarik uni u bnai.
Neiliang u DC da ong u wa daw chimkhia u yeini wei daw khut chwa ka yalang wa kiwa pynlai Exam yow pait yei pynkhreh yei thoh CUET khang wym mih de i kynrum kynram neibhah em da ki hajar ngut kiwa daw thoh ya kani ka Exam hapoh ka District.
Ka seiñ da ong ko wa da chimkhia ko yeini neibhah da yoh rngu ki khynnah hadien wa jia ini wa dep heipor wa thoh NEET.
Ha uni u snem i thoh CUET hapoh jylla daw pynman ha Jowai, Tura wa Shillong.
Discussion about this post