E FIR ka KHNAM pyrchah ya uwa ong wa ha Meghalaya da hap yut chnong ki Hindu

Ka Khun Hynniewtrep National Awakening Movement (KHNAM) ynne ka sngi da ujor FIR ko pyrchah ya uwa yasaaid aiñ (Lawyer) uwa man leh uwa yahkhmat ka BJP, u Ashwini Updhyay.

Ya kani ka FIR da booh hapoh ka yung krehkaam ka Cyber Crime Shillong deiwa pynbaad wa u Ashwini Updhyay da yahbakla u ya ki paidbah heiyatoh waka jylla Meghalaya.

Kam wow kdaw heini wa u Ashwini Updhyay lyngba ka Video wa da pynpoor ha ki rynsan Social Media da pynbaad u wa ya ka Meghalaya da synchaar da ka niam wa kiwa yahkhmat niam.

Ka KHNAM ha ka FIR da ong ko wa u Ashwini da klam u leh ya kiwa chna aiñ wa kiwa em hei bor sorkar wym em krehkaam ki hapoh Meghalaya.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

“Kiwa yahkhmat niam wa ka niam da synchaar ko hapoh Meghalaya wei ini da pynman ko ya kiwa ngait niam Hindu wow yut noh ki napoh ka jylla neibhah wym yoh ki wow mane Blai katkam wa jooh leh ki,” da pyntip ka KHNAM hapoh ka FIR iwa man katkam wa klam u Ashwini.

Ka KHNAM da pyntip ko wa u Ashwini Updhyay da ong u wa ki pulit hapoh Meghalaya ym em bor ki wei ini da pynman ya ki seiñbhalang wow kylla man kam kiwa lute wa kiwa khrong poisa.

Najrong ini, u Ashwini Updhyay da pynbaad u leh wa wot kiwa laad pathai khubor (Media) leh ym em krehkaam ki.

“Ini i pynbaad u Ashwini Updhyay da wannrah ko yei dur wa sih hawa yatoh wa i long i man ka jylla Meghalaya ha waroh kawi ka ri wei ini da booh ko hei maa ya kiwa chong chnong ka jylla kiwa lai puræ, kiwa kreh wa kiwa im ha kiwi won ki jylla ka ri. Na itæ i daw da emkaam wow chim ya ki laad yow pynchitom ya u Ashwini katkam ki kyndon aiñ” da ong ka KHNAM ha ka ujor.