Ka seiñ KSU da ujor FIR ko pyrchah yaka Legal Rights Observatory (LRO) kawa man ka chnat aiñ kawa emyatoh waka RSS kawa da pynpoor lyngba ka rynsan Social Media ha u Twitter hapoh i pyrtuid Legal Rights Observatory- LRO (@LegalLro) deiwa ong wa ki dkhot ka KSU da lai hiar thma ki ya ka Temple Hindu kawa tip kam ka Mahadev Khola Mandir kawa em ha thaaiñ Laimer, Lawsohtun hajan ka Area 101 ki chipai.
Kani ka LRO ha Twitter da thoh ko wa kini ki dkhot ka KSU da dat ki ya u bru niam kamjooh kiwa ha-yung u deilang wa ki kynthai wa wan leh niam kiwa em heini wei da pynbaad ki leh ya ka Balang Presbyterian wa pynchlur ko ya kini ki kaam wow choon ya kiwi.
Ka KSU ha ka FIR da ong ko wa ini wa jia haka 24 tarik uni u bnai toh hapyrdi ki ar liang iwa khian wei i wym embynta ki dkhot ka KSU tangwa kani ka LRO da pynbaad ko wa da chah dat u Pandit, kiwa wan mane wei da pynbaad leh ya ka Balang Presbyterian wa pynchlur ko wow yachoon uwi ya uwi.
Ka seiñ da ong ko wa ini iwa da pynbaad ka LRO toh iwa bakla wei daw wanrah ko leh yei kulmar hapoh ka imlang sahlang hapyrdi kiwa boon ki jaitbru wa imlang.
Kamtæ da kyntu ya u SP (City) Shillong wow leh u yeiwa emkaam ya kini kiwa pynchit paidbah kiwa wanrah yei sñiaw yaphær jaitbru wei toh u pyndam noh yei hok kini wow pynekaam Twitter kiwa da dai sarom wei da pynsih yei pyrtuid ka KSU.
Ka LRO ha Twitter da jubab ko deiwa ong wa ka seiñ KSU da pyrchang ko wow tlep ya ini wa da pynmih pyrthai ka LRO wei da ujor FIR ki ha ki pulit ka Assam ya kini kiwa wan hiar tham ya kani ka Temple yow kem ki mar ya psiah ki cha Assam.
Puræ leh: Chah ujor ki baar jylla wa chong chnong pyrchah aiñ
Discussion about this post