U Chief Executive Officer ka Shillong Municipal Board (SMB), da pyntip u wa da e FIR pyrchah ya uwi u bru uwa da lai khrong poisa hei pyrtuid ka SMB uwa da pynemkaam da ki Receipt wa da chna thok u kiwa em ka chap ka SMB.
Uni u bru toh uwa lai khrong poisa na kiwa chongdai madan wa em ha Shillong deiwa e daw wa kani man ko neibynta ka sorjamin (Survey) yow kheiñ katwon ngut em kiwa chongdai wei ka poisa wa khrong u man ko kam ka bai Registration.
U CEO da pyntip u leh wa yeini i lai leh sorjamin da booh wow leh da ka Town Vending Committee (TVC) wa da thung da ka SMB katkam ka Meghalaya Street Vending (Protection of Livelihood and Regulation of Street Vending) Scheme, 2023 wei ym em chim ya ka bai Registration.
Chooh chooh da pyntip u leh wa da yoh yei dur yong uni u bru wa leh ya ini kamjooh ya ka Receipt wa e u cha ki bru.
Hadooh wa pynmih ya kani ka khubor ym pu em yoh kem ya uni u bru.
Discussion about this post