U Chief Executive Officer ka Shillong Municipal Board (SMB), da pyntip u wa ka yung krehkaam yong oo da em wa pyntip cha ka wa em ki bru wym tipmit kiwa da khrong poisa deiwa pynemkaam da ki Receipt wa chna thok kiwa em i pyrtuid SMB na kiwa chongdai cha rood sarok.
Kini kiwa khrong poisa da kam ki wa da leh yeini kam chibynta wow Register ya kiwa chongdai.
Ki bru leh da ngait ki yeini neibhah kattæ ka Town Vending Committee (TVC) lyngba ka SMB da pynman ya ka sorjamin katkam ki kyndon ka aiñ Meghalaya Street Vending (Protection of Livelihood and Regulation of Street Vending) Scheme, 2023 yow tipmit ya waroh kiwa chongdai.
U CEO da pynche u wym em kam katæ ka bai Registration wa da chim da ka TVC wei da dep leh wow yoh ujor na ka Meghalaya & Greater Shillong Progressive Hawkers & Street Vendors Association (MGSPHSVA) hajrong ini.
Kamtæ neiliang u CEO ka Shillong Muncipal Board da ujor FIR u ha yung krehkaam u Superintendent of Police, East Khasi Hills District, Shillong yow pynchitom ya kini ki bru wa chim kabu.
Discussion about this post