Ka Dorbar Ki Waheh Kur Ri Jaiñtia, him ko ya kani ka kabu ksiar na kani ka Behdieñkhlam ka Raij Tuber u phah ya i kyrkhu kyrdoh cha waroh ki khon ki hajar ka Seiñ Raij Tuber kawa heh kawa boon paaid ha kylleiñ ka East Jaiñtia Hills District, ka Ri Jaiñtia waroh wa kiwa chong wa sah kylleiñ ki chnong ka jylla Meghalaya wa ka ri India, kiwa da ya him jar i bynta ha kani ka Behdieñkhlam, kawa da pynlai pynman da ki waheh, ki khynroo, chynrang wa kynthai ka Seiñ Raij Tuber, u Langdoh, ki Wasan wa u Dolloi ka Elaka Jowai.
Ka dorbar thrang bha ko wa ka jait ka kur na ka Bei wa kha, kawa pynman ya ka jaitbru ka yong phi yong i u nang yoh bor yoh mynsien ha ka dustur ka riti, u chait u khlan hei manbru longbru, ha ka puræ ka puthi, u biang u dap u kba u khoo, u man khih man khan chooh chooh ka jaitbru.
U ye u pynman yeini toh deiwa khih wa krehlang kani ka pateiñ yong i katni, u tip i u ri u sumaar ya ka jait ka kur ka bei kawa seiñ hadooh wa u pteiñ i bor ha kiwa daw wan, chirup i e bor e mynsien u Tre Kirot ya ka jaitbru wa ka ri waroh.
I pyntip na u Khroo L Pariat, President wa u G.H. Bareh, General Secretary ka Dorbar Ki Waheh Kur Ri Jaiñtia.
Discussion about this post