U Montri wa pait ya ka chnat C&RD, u Abu Taher Mondal da ong u wa i wai ya ka yung krehkaam u BDO ha Mawpat man ko neibynta i myntoi ki paidbah wei lada ki paidbah ym sñiawsuk ki yeini, ym emkaam wow yaleh pyrchah.
Da ong u wym em i eh wow wai ya kani ka yung krehkaam ha iwon iwon i por manda ye wow pynbait yei kynrum kynram.
Ki paidbah ka chnong Mawpat da mih ryntih ki wow pyrchah yei wai ya kani ka Office ka Mawpat C&RD Block hajrong ka yurim wa ka chnat wym pu em jubab ko yei dawa wa da soi hapoh ka soskular nadooh u snem 2016.
Hawa kylli, u Mondal da ong u wa kiwa chong chnong da kdaw ki wa da em ka yasoi soskular heipor wa e yei thaw yow chna ya kani ka yung krehkaam wei da kwah ki wa toh u pynkrehkaam ya ka soskular.
Da ong u wa kamwa man kattæ wa ka Block Office toh kawa da em ha i thaw wow krehkaam wa chipor, kamtæ ka chnat da pyrkhat ko wow wai noh da kani kawa thymme wa wow man ka yung krehkaam wa pura wei daw pynhun won sa yeiwa da dawa.
Hawa kylli chooh chooh u Montri da ong u wa da khut wow yaklam wa oo ha kamram krehkaam u ha iwon iwon i por yow pynbait yeiwa eh.
Discussion about this post