Ka Seiñ Kyntu Seiñ Raij 12-Daloi da e khublei Lehniam Behdieñkhlam ko ya waroh ki khon ki raiot yong ka Seiñraij Jowai deiwa ong wa e wa ka niam ka rukom ka Raij daw pyn-eh-daw pyn-eh-nasib ko ya ki khon yong ka Raij yow yoh ki ya i chait i tram, i man khih man khan, i kyrkhu i kyrdoh na u Blai Kynrad.
Kamjooh da yooluti wa lyngba kani ka Lehniam Behdieñkhlam kawa daw kut ha kani ka 9 tarik, yooluti wa u Blai Kynrad u beh u yei kjut i chitom, ya ka khlam ka ngoh, ka duk ka cha, ya ki kaam sih kaam thala waka adnood ka bichni.
Da kitbok kitrwiang leh ya waroh ki khon u Ynñiawtrep Ynñiawskum khamtam ki khon yong ka Raij Jowai u yoh ki dei roi dei phooh neipor cha i por na uwi u snem cha uwi u snem.
Ya kani ka khubor da pynlait da u Publicity Secretary ka Seiñ Kyntu Sein Raij 12-Daloi, u Meliyoo Lyngdoh.
Discussion about this post