E khublei Behdieñkhlam ka Seiñ Kyntu Seiñ Raij 12-Daloi ya ki khon ka Seiñ Raij Tuber

Ka Seiñ Kyntu Seiñ Raij 12-Daloi da e khublei Lehniam Behdieñkhlam ko ya waroh ki khon ki raiot yong ka Seiñ Raij Tuber deiwa ong wa e wa ka niam ka rukom ka Raij daw pyn-eh-daw pyn-eh-nasib ko ya ki khon yong ka Raij yow yoh ki ya i chait i tram, i man khih i man khan, i kyrkhu i kyrdoh na u Blai kynrad.

Kamjooh da yooluti wa lyngba kani ka Lehniam Behdieñkhlam kawa daw kut ha kani ka 19 tarik, yooluti wa u Blai kynrad u beh u yei kjut i chitom, ya ka khlam ka ngoh, ka duk ka cha, ya ki kaam sih kaam thala waka adnood ka bichni.

Da kitbok kitrwiang leh ya waroh ki khon u Ynñiawtrep Ynñiawskum khamtam ki khon yong ka Raij Tuber u yoh ki dei roi dei phooh neipor cha i por na uwi u snem cha uwi u snem.

Ya kani ka khubor da pynlait da u Publicity Secretary ka Seiñ Kyntu Sein Raij 12-Daloi, u Lakshmon Siangshai.

Related posts

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026