E khublei Behdieñkhlam ka Synjuk Waheh Chnong Ri Jaiñtia ya ki khon ka Raij Tuber

by Wyrta Staff

July 22, 2017

Reading Time: 2 mins read

Jowai: Ka Synjuk Waheh Chnong Ri Jaiñtia lyngba ka khubor wa da phah da u Publicity Secretary yong ka u R. Harvis Phawa, da e khublei Behdieñkhlam ko ya ki khon ka Raij Tuber.

“Ka seiñ da e khublei Behdieñkhlam wasuk wa kmen ko ya waroh ki khon ki hajar u Ynñiawtrep waroh khamtam ya ki khon ka Raij Tuber kiwa pynkreh ya ka chisien chi snem” da ong u Phawa.

Ka Synjuk kyrmen skem ko wa lyngba kani ka lehniam Behdieñkhlam u Trekirod u beh noh u yaka khlam, ka kjut ka chitom napoh u chrot u tnoom, ka chnong ka Raij wow biang wow dap ka kamai kajih, wei wow bha u miat i thung i tep khamtam wow wanrah yei yatylli hapoh ka ri wa ka jaitbru.

Kani ka Behdieñkhlam da sdang ko nadooh 21 tarik wei u pynkut ya ka ha ka 24 tarik uni u bnai.