“E khublei Christmas wa suk wa kmen ya waroh lang, e wa kani ka Christmas yong uni u snem 2021 u wanrah ko ya i chongsuk chongsaiñ, i kmen i sñiawbha wa i ka-it kasar ya waroh lang,” da ong u President ka Seiñkynjei.
Ka Seiñkynjei toh kawi na ki seiñ yong ki chi lok na chnong Jowai kawa kreh monsñiawbha neibynta i bha i miat wa kawa knær wow e yarap cha ki khon ka Ri-loom Jaiñtia.
Heijooh i por da ong u wa kam ka seiñ ha kam ini i por chim ko ya ka laad wow e khublei Snem Thymme ya waroh ki khon yong ka Ri-loom Jaiñtia dei ngait skem wa u snem 2022 u wanrah u yei suk i saiñ, i maya iwi ya iwi wei wow im ha ka rap kylliang chaan kylliang.
Ka seiñ da booh ko leh ha i ngooh i dem ya u Tre Kynrad wa ha khlieh tam wow da u kær u ya waroh na kawon kawon ka kjut ka chitom wei wow thæh u dei kyrkhu kyrdoh ya waroh lang.
