theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

U-15 Inter District Tournament: Psiah Semi Final ka All Jaiñtia CA waka Shillong CA

Advertisement ad1

Ka Shillong Cricket Association waka All Jaintia Cricket Association da jop ki ya ki yalehke ka Zone 1 ha ka U-15 Inter District Tournament ka Meghalaya Cricket Association yow psiah cha ka Semi Final.

Deiwa jop chwa ya ki le tylli ki yalehke, ka SCA da yoh chwa ko wow psiah Semi Final tangwa ynne da pyntikna ko yei man nyngkong ha ka Zone 1 deiwa jop ya ka East Khasi Hills CA ha Nongkhrah, Nongpoh.

Ka SCA da Bat nyngkong ko hadien wa jop ya ka kylla khlem heiwa da kamai ko da 170/8 na ki 20 Over, heiwa uwa kamai boon Run dooh ka Tournament u Angkit Tamang da kamai u 73 na 36 bol wa kynthup ya 13 tylli ki 4 Run wa kawi ka 6 Run. U Mebansiewdor Kharshandi da yoh u 3/23 na ki 4 Over, iwa da pynman ya oo kam uwa lehbha dooh na kiwa kawang bol ka EKH kamjooh uwa chah kamai duna dooh.

Hawa kdong, ka EKH de ye ko wow yoh du 67/6, heiwa u Man-of-the-match u Tamang da yoh u (2/11) wa u Mewan Kitbok Kharpuri (2/20) ya ka SCA.

Ha kawi won ka yalehke ka All Jaintia CA da yoh ko hei wa ar hapoh ka Zone 1 deiwa jop le sien heiwa ynne da jop ki ya ka Ri-Bhoi kiwa da jied wow Bat nyngkong hadien wa jop ya ka kylla khlem.

Ka Ri-Bhoi da ye ko wow kamai 92 na ki 19.4 Over, heiwa u Vikram Marbaniang da kamai boon dooh da 16 hadien wa khyrwait u Man-of-the-match u Eshan Siangshai da 5/8 na 4 Over.

Ini i leh bha kiwa kawang bol da booh i hei suk ya ka AJCA kawa da poi thong ha ki 14.1 Over. U Ewanmi Pyrtuh da yoh u 34 Not Out yow pynjop da 7 Wicket.

Waroh ar ki yalehke Semi Final daw pynman ha kani ka 28 tarik ha Nongkhrah. Ka Tura waka East Garo Hills toh kiwi kiwa da psiah Semi Final ha ka Zone 2. Kamtæ ka SCA daw yachem ko waka EGH katwa ka Tura daw yachem ko waka AJCA.

Share this:
Previous

E khublei Christmas wa Snem Thymme ka Seiñkynjei ya waroh ki khon ka Ri-loom Jaiñtia

Next

Da ki tanghæng wa ki tiar tem e yarap ka JSM cha ki ar tylli ki Balang