Jowai: Ka seiñ All Jaintia Hills Social Welfare Organizations (AJHSWO) wa ka dong Lumbehkhla, Nangbah, WJH da e khublei kyrpang ko yaka chnat ka MeEPDCL Jowai Division hajrong i chimkhia ko wow kylliang thymme ya u Transformer uwa da sih haka dong Lumbehkhla wa ya kiwi ki dong kiwa em marjan kiwa pynemkaam ya uni u Transformer wei neiliang ka seiñ hadien wa uni u Transformer warim ym krehkaam de u kamwa chi bnai tam, neiliang yong ki da yachem ki wa u CEO ka chnat ha Jowai ha ka 3 tarik uni u bnai uwa da chimkhai chisyndon ya kani ka kaam.
Ka seiñ da ong ko leh wa ym ye u len wa ini i sih u Transformer da man kawi na i eh i chitom ki paidbah chong chnong wei da pynthut ko ha waroh ki liang khamtam ha kani ka juk wa katni wa pynemkaam da ka bordiñ ha waroh ki kaam ki jaam khamtam ki khynnah wa ki khynroo kiwa dang puræ puthi wa kiwi kiwi de.
Kamtæ neiliang ka dong Lumbehkhla wa ka seiñ AJHSWO da e khublei ki leh ya ki sahep yong kani ka chnat wa toh u pait ya kani ka kaam wa smat ki wow pynbait smat ya i eh ki paidbah ha kani ka dong.
Ini toh wa pyntip na u Phaimi Biam Secretary Dong Lumbehkhla wa u Wanri Ki Lyngdoh, Finance Secretary, AJHSWO.
Discussion about this post