15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Khang pyrchah ki ar seiñ wow wanrah mooyong ki karkhana pynmih kyndaw-bilat na baar jylla

0 Comments
Advertisement ad1
Advertisement ad1
Advertisement ad1

Jowai: Ha ka yalang kawa da pynman ha ka 26 tarik u bnai wa da dep ha Sweet Chilly Hotel, Mynkre, East Jaintia Hills heiwa ha kani ka yalang da yachem ki dkhot wa yahkhmat ka All Jaintia Cement & Clinker Transporters’ Association wa kiwa yahkhmat ka Coal Suppliers Association– ka seiñ kiwa challan mooyong cha karkhana pynmih khyndaw-bilat.

Ya kani ka yalang da pynlai da u Hambertus Nongtdu uwa man u President ka Coal Supplier Association.

Advertisement ad1
Advertisement ad1

Ha kani ka yalang da chim ya kawi ka rai wow khang pyrchah ya waroh ki Company pynmih khyndaw-bilat wa ki u wanrah ki ya u mooyong na baar jylla.

Neiliang u Balen Thubru uwa man u President ka All Jaintia Cements & Clinker Transporters’ Association da pyntip u wa hadien ka yaklam wa bniah da chim leh yaka rai wow maham joor ya kiwon kiwon kiwa challan (Transporters) mooyong kiwa wanrah ya u mooyong wa na baar jylla. Kini ki ar seiñ daw pynchitom ki ya ki katkam ka rai kawa da chim ha katai ka yalang lada chem ya kiwon kiwon kiwa wanrah mooyong wa wan na baar jylla cha kitai ki karkhana pynmih khyndaw-bilat wa em ha East Jaiñtia Hills.

Chooh chooh u Balen Thubru da pyntip u wa hadien katai ka yalang, neiliang kiwa yahkhmat ka All Jaintia Cement & Clinker Transporters’ Association (AJCCTA) wa ka Coal Suppliers’ Association (CSA) da chong yalang ki leh wa ki heh Cement Company ha katai ka jooh ka sngi wei da pysñiaw ha ki ya katai ka rai wa da chim da kitai ki ar seiñ.

Advertisement ad1
Advertisement ad1

0 Comments

Leave a Reply