15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

E khublei ka Dorbar Chnong Lad Mukhla ya waroh heiwa da ye u pyllai bait ya ka NH7

0 Comments
Advertisement ad1

Jowai: Ka Ladmukhla Dorbar Chnong da pynsñiaw ko yei sñiawngooh wa i yaroh ya waroh kiwa embynta lang wow pyllai bait lai ryntih ya ka tamasa NH7 Bacardi Weekender 2017 kawa pynman hapoh u pood u ang ka chnong.

Neiliang ka chnong da e khublei ko leh ya u Deputy Commissioner ka West Jaiñtia Hills District kamjooh leh ya u Superintendent of Police (SP) wa waroh ki pulit kiwa da kreh chitom  wow pyllai bait lai ryntih ya ki arsngi wa man kani ka tamasa.

Ka chong da ong ko wa nei kreh chitom ki da ye u pyllai bait ya ki kari motor hapyrdi i wan tooid ki paidbah na kiwi ki jylla wa boon wei ym em jia iwon iwon wa sñiawsih.

Ka Dorbar Chnong da e khublei ko leh ya ki seiñbhalang, ki tre thaw kiwa da pynyoh thaw pynyieñ kari, ki thaw sahmiet wa kiwi kiwi.

Da e khublei leh ya ki VDP, ya ki paidbah wa kiwa chong chnong ka Lad Mukhla kiwa da krehlang waka chnong yow ye u pynman ya kani ka tamasa kawa jop.

Ini toh katkam wa pyllait khubor u E. Bang, General Secretary Ladmukhla Dorbar Chnong.

Share this:
Previous

Ki rai na ka yalang ka Meghalaya Commercial Vehicle’s Union pyrchah yei wan kamai pahooh ki kari baar jylla

Next

Wan pynhiar pyrda u Clement Marak ya ka lehkmen Wildlife Week ha Shillong