Ka Dorbar Chnong Iongthma, WJH chirup wa kiwa chong chnong yong ka da e ki yei sñiawngooh wa khroo tam yaka Ramakrishna Mission Ashram Sohra wa e yarap ko ya kiwa dooh wa duk ha kini i por wa dang em ka Lockdown.
Da e yarap ka Mission da u khoo 25 kilo wa u dai 5 kilo cha ki 55 tylli ki thlu yung wa em hapoh ka chnong Iongthma, iwa da man leh i yarap wa khroo hadooh kattæ kattæ ya kiwa chong chnong.
Ya ini i e yarap da yahkhmat da u Manbha Lyngdoh deiwa ya emlang Maharaj ka Ramakrishna Mission, ka G. Majaw wa ki dkhot ka RKM.
Neiliang ka chnong da ong ko wa ini i e yarap ha kini ki por wa ka khlam man ko i kyrkhu wa khroo tam ya kiwa dooh wa duk, “E wa u Blai Kynrad u kyrkhu kyrdoh u ya ka RKM da ini i wan e yarap wa khroo tam yong ka,” pynkut ka kyrwoh wyrta naka Dorbar Chnong Iongthma.
