Jowai : Ka HYC West Jaiñtia Hills da kyntu ko ya ka tnat PWD yow pynku ya i jrong i thaw lai kjat (Footpath) kawa em harood u sarok wa lai na Lad Nartiang chadooh cha Salini Colony. Katkam ka khubor wa e da u Public Secretary ka seiñ u K.L. Khonglah da ong u wa em ki bynta kani ka foothpath da ryngkat i jrong ko wa u sarok hadooh boon ki kari leh da lai ki najrong kani ka footpath wei em leh kiwa booh kari ha kani ka footpath.
Heijooh i por ka seiñ da pynsñaiw ko yei sñiawngooh ya ka PWD wada bien ko u kyrriah ka ki khyndaw wa em tymbud kani ka footpath kiwa sah nadooh wa dep u chna ya uni u sarok iwa da pynthut ya i lai i wan ki paidbah.
Da pynkut ya ka khubor deiwa kyntu ya PWD yow pynjrong noh ya ka footpath chwa u wan ka samoi slap yow suk i lai i wan ki paidbah khamtam kiwa lai puræ.
Discussion about this post