15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pyrchah joor yei thmu ka sorkar wow kylla ya i pyrtuid ka Wapung-Pamra PHC

0 Comments

Khliehriat : Ka Dorbar Chnong Wapungskur chirup waka Dorbar Chong Wapungshnong, da pynsñiaw yei khyrngiat wa khroo hadooh kattæ heiyatoh wa i thmu ka sorkar lyngba ka Health Department u kylla pyrtuid yaka Wapung-Pamra Primary Health Centre cha ka Pamra-paithlu Primary Health Centre  katkam ka Notification No: 1/J/W-P/CC/05/693-707, Dated: Jowai, the 28thApril, 2016  ya kawa da pynmih da u District Medical & Health Officer ka West Jaiñtia Hills, u Dr. I. Tongper deiwa kdaw yaka chithi na u Secretary to the Government of Meghalaya Health & Family Welfare Department  No:Health/250/2014/14, Dated Shillong, the 2nd March, 2016.

Kam wow pynkynmoo i thaw wa em kani ka PHC toh ha Madan Siahrang, Wapungskur da e sñiawbha da ka kong Phoida Rymbai na ka chong Wapungskur ha ka 23/11/1983 cha ka Dorbar Shnong Wapungskur heiwa ka dostabit ka Kong Phoida Rymbai da mynjur leh da ka sorkar wow chna ya kani ka yung sumaar ha ini i thaw iwa em ha Chnong Wapungskur.

Hadien wada chna ya kani ka thaw sumaar da e pyrtuid yaka kam ka Wapung-Pamra Primary Health Centre kamwa da thrang ki paidbah katkam ka Notification ka sorkar  No:3785, Dated: Jowai, the 1st February, 2000 ya kawa da soi da ka Dr. P. R. Marpna wa man kam ka District Medical & Health Officer ka Jaiñtia Hills,  ha kitu ki snem.

Iwa phylla won toh wa ka sorkar thmu ko u pynkylla pyrtuid ya kani ka thaw sumaar wa em ha Madan Siahrang, Wapungskur khlem pyntip yaka Dorbar Chnong Wapungskur wa ka Dorbar Chnong Wapungchnong.

Neiliang ki ar dorbar da pynsñiaw ki yei pyrchah wa joor yeini i thmu ka sorkar wow pynkylla pyrtuid ka wei da dawa wow pynneh yaka kam ka Wapung-Pamra Primary Health Centre hi, kamwa jooh man ko nadooh nachwa.

Kani toh katkam ka khubor wada phah da ma Satly Ryngkhlem wa u Ma Glitter Rymbai, ki Waheh Chnong ka Dorbar Chnong Wapunskur waka Wapungchnong.

Previous
Next

0 Comments

Leave a Reply