15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

E khublei ka JYDS yei chimkhia u Conrad heiyatoh i chim kabu bai kari

Advertisement ad1

Jowai: Ka Jaiñtia Youth Development Society (JYDS) lyngba u President yong ka u Damanleki Lathong da e khublei ko ya u Chief Minister ka sorkar jylla u Conrad K. Sangma hajrong i chimkhia ka sorkar yei ujor yong ka Society heiyatoh wa i chim kabu ki kari kamai yaka bai kari iwa da ktah yaki paidbah khamtam kiwa dooh wa duk.

Yei jubab yong i ujor ka Society da yoh pdiang ko haka 5 tarik uni u bnai lyngba ka yung krehkaam u DC West Jaiñtia Hills.

Da ong i daw wa pynman yaka Society wow mih ko chakhmat yow booh i kyrpaad yaka sorkar yow pynbait ko yeini i eh toh wada ktah ware ko yaki paidbah.

Heijooh i por neiliang ka Society e khublei haroh ko ya u DC yong ka West Jaiñtia Hills, u Superintendent of Police, West Jaiñtia Hills wa u District Transport Officer ka West Jaiñtia Hills.

Ka Society kyrpaad haroh ko yaki Association waphær waphær yong ki kari kamai wow sñiawbha ki u yakrehlang khnang yow lait ki kari kamai u chim kabu yaki paidbah.

Share this:
Previous

Du 321 ngut ki kynnah skur wow chimbynta ha ka Republic Day Parade uni u snem

Next

Beiñ joor ka MPUF-LBC yeiwa jia ha chnong Biar