Ka KSU Sanchnong Unit hapoh i yahkhmat u President yong ka u Delmon Phawa wa u Publicity Secretary u Iahphang Dkhar ha kini ki sngi wa da dep da dawa ko na ka chnat yong ka MeECL wow kylliang ya u chrot bordiñ uwa em ha Mukhaialong, East Jaiñtia Hills.
Ya ini da dawa neidaw wa uni u chrot bordiñ uwa em ha Iaw Kremlabit hajan kawi ka yung skur da doon u chiliang neidaw wa da baam sarang u na tre.
Neiliang ka MeECL da smat ko wow pynbiang yeiwa dawa ka seiñ heiyatoh wa ini.
Ka seiñ da dap ko dei sñiawngooh wa i e khublei wa khroo ya ka MeECL wa da smat kylliang ko ya uni u chrot.
Kani pynyoo ko ya i yakrehlang ka chnat MeECL wa ki paidbah ka thaaiñ neibynta i bha i miat, da ong u Delmon.