Ka seiñ kiwa chna phlim hapoh ka jylla, ka Meghalaya Film Makers Association (MeFilMA) da e khublei ki ya u Montri Rangbah ka jylla, u Conrad Sangma hajrong i kular wow chna noh da ka Film Policy neibynta wow kyntu ya ki kaam chna phlim ha ka jylla.
U President yong ka MeFilMA, u Commander Shangpliang hawa klam wa kiwa thoh khubor da pyntip u wa ka seiñ hadien ka yalang yong ka deilang wa kiwa ak phlim, da e khublei ki ya ka sorkar kawa da mynjur wow pynman ya ka Film Festival wei wow chna ya ka Film Policy wei kamjooh leh hajrong i mang tangka neibynta wow kyntu ya ki kaam chna phlim.
U President ka seiñ da pyntip u wa dang ini wadep neiliang yong ki dkhot ka seiñ da yachem ki wa ki bor sorkar wow pynkynmoo hajrong i dawa yong ka seiñ kamtæ da pynsñiaw yei sñiawkmen wa u Conrad Sangma da kular u hawa klam hapoh ka yung dorbar hawa wanrah yei mang tangka ka jylla.
U Shangpliang da pyntip u wa ini toh ka sien wa nyngkong wa ka sorkar daw leh ko iyi iyi neibynta ki kaam chna phlim. Da pyntip u leh wa ka seiñ daw pynman ko yei lehkmen yei dap 12 snem yong ka seiñ ha ka 18-06-2022.
