Ha ka 2nd Shkenpyrsit Secondary School X RMSA Invitation Football Tournament 2021-2022, ka Nonglamin FC waka Tur-Iap FC da yoh ki u psiah cha ka Semi Final deiwa jop ya jar jiar ki yalehke yong ki.
Haka yalehke wa nyngkong yong ka Quarter Final hapyrdi ka Nonglamin FC pyrchah ya ka Ryntihlang-I FC wa da pynman ynnin ka sngi. Ka Nonglamin da jop ko da 2-0 kiwa thap da u Shano Tariang.
Ha ka Quarter Final wa ar wa da pynman ynnin hi, ka Thangbuli YWSC da yachem ko ya ka Tur-Iap FC. Heiwa ka Tur-Iap FC da jop ko da 2-0 kiwa thap da u Bishar wa u Donlad.
Ki yalehke Quarter Final wa bood daw pyman ha ka 18-03-2022 hapyrdi ka Syndai Kmai Chnong pyrchah ya ka Shkentalang FC heipor 1:00 waje i sngi wei ka yalehke wa ar won daw pynman hapyrdi ka KSU Unit Mupyut pyrchah ya ka Syiem 2-48 FC heipor 3:00 waje i sngi. Kamtæ da khut da wer ya ki paidbah wa maya bol ka thaaiñ wow wan pynchongchit ya ki yalehke.
Kiwa jop ya ka Final kani ka Tournament daw yoh ki ya ka song poisa kawa T. 2,50,000 katwa kiwa rem won T. 1,20,000.
