Ka NPP 2-Jowai Block da e khublei sñiawngooh ko ya u MLA ka 2-Jowai Constituency uwa man leh u Montri ka sorkar jylla, u Wailadmiki Shylla wa dei krehchitom yong oo da ye u chna pynmiat ya u sarok Intermediary Jowai Bypass wa da sahteiñ da ki boon tylli ki snem.
Uni u sarok toh uwa sdang na Lad Nartiang, Salini Colony, Mihmyntdu wei kut hadooh ha yingkieñ Myntdu.
Neiliang ka Dorbar Dong Salini Colony, Mihmyntdu leh pynsñiaw ko yei sñiawngooh wei kmen wa khroo heiyatoh wa i pynmiat ya uni u sarok uwa da pai iwa da pynsuk yei lai i wan yong ki.
Da kitbok kitrwiang ki ya u Wailadmiki wow yoh u dei chait dei khiah wow dang ye u kreh chiboon ki kaam wa bha wa miat ha ka Constituency kamjooh ha ka jylla hi waroh kawi.
Discussion about this post