E khublei ka Salaroh ya u Wailadmiki hadien wa yoh ya u sarok wa sahteiñ da ki phaw snem

Ka Dorbar Chnong Salaroh toh kawi na ki chnong wa dang thymme bha ha Jowai wei kawa dang roi kat dang lai ki sngi ki por wei kawa yoh yaroh nadooh i miat wei khooid i pliah.

Neiliang ka Dorbar Chnong ha kani ka kynti da e khublei ko ya u MLA ka 2-Jowai Constituency uwa man leh u Montri ka sorkar jylla, u Wailadmiki Shylla wa nei kreh chitom yong oo da yoh ka chnong ya u sarok wa da sahteiñ da ki phaw tylli ki snem.

Uni u sarok toh uwa sdang na Salaroh hajan ka laad All India Radio wei kut u chadooh cha Mihmyntdu (Forest).

Neiliang ki khon ka chnong da dap ki dei sñiawkmen wa khroo wow yoh ya uni u sarok wei da e ko leh i kitbok kitrwiang ya u Wailadmiki wow yoh u dei chait dei khiah yow dang ye chooh chooh u chakri ya ki paidbah ka Constituency, ka Ri-loom Jaiñtia wa ka jylla waroh kawi.

Related posts

Chirup ki heh chipai kynmoo warom ya u chipai uwa na Mukhaialong | Chna ka manyung da u motdur sahnaam

February 28, 2026

District Cricket League: Jop ka Dulong ya ka Khimusniang

February 28, 2026