Ka Seiñ Kur Sari Central Body da e khublei wei kitbok kitrwiang ko ya waroh ki khon ka kur Sari kynthai wa chynrang kiwa chong chnong kyllieñ ka jylla Meghalaya nadooh na Ri Pnar, Ri Khasi, Ri Bhoi wa kiwa chong wa sah cha Assam kiwa da lehbha ha ka Exam SSLC wa HSSLC yong uni u snem 2023.
Da ong wa e wa ini i lehbhah yong phi wa daw neh chooh chooh ki ha phi yow lehbha chooh chooh phi ha ki snem kiwa daw wan ha ki Exam waphær waphær.
Kawa kyrpang tam ka Seiñ Kur Sari Central Body Meghalaya dap ko da i sñiawsarong wei sñiawngooh ya kawi na ki khon dap kynthai ka kur ka jait Sari, ka Rilanaika Sari kawa na ka chnong Muthlong, West Jaiñtia Hills District kawa da wanrah yei naam i burom ka kur ka jait Sari, ya ka yung ka sem yong ka kamjooh ya ka chnong ka thaw deiwa lehbha ha kani ka Exam SSLC deiwa yoh ko leh ya ka kyrdan wa 20 hapoh ka Top 20 Merit List na ka North Liberty Higher Secondary School Jowai.
Kamtæ ka Seiñ Kur Sari Meghalaya da nang kitbok kitrwiang ko ya ka Rilanaika Sari wa u Blai kynrad daw theh chooh chooh u yei kyrkhu kyrdoh hei lai luti phi chakhmat man-ka-sngi yow nang ku chooh chooh i puræ i puthi i yong phi ha ki laiñ waphær waphær.
Kani toh katkam i pynlait khubor u S. Sari, President Seiñ Kur Sari Central Body Meghalaya.
