• About Us
  • Contact Us
  • Privacy Policy
  • Advertise With Us
  • Terms & Conditions
Friday, May 9, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

E khublei ka Seiñ Raij Cham Cham ya u Kyrmen Shylla wa da yoh u chna Khnap Thang-bru

Wyrta Staff by Wyrta Staff
December 11, 2022
Reading Time: 8 mins read
A A
0
Share on FacebookShare on Twitter

Ka 11 tarik uni u bnai, da man ko ka sngi wow sahkynmoo ya ki khon ka Seiñ Raij Chnong Cham Cham, Raij Tuber heiwa u Montri ka chnat Bhalang namo ka Social Welfare uwa man leh u MLA ka thaaiñ da wan wai u ya ka Khnap Thang-bru (Kambel Chullai Eco Friendly Crematorium) chirup wa u MDC ka Tuber, u Lasky Rymbai kam u symbood kongsan hei emlang u MDC ka Rymbai Khliehriat, u Fineliness Bareh, u Dolloi ka Elaka Jowai, u Puramon Kynjing wa kiwi kiwi. 

Kani ka khnap thang-bru da chna ha Loom Thang-bru ka chnong heiwa yaka yalang wai da pynlai da u Pelin Dkhar uwa man u Chairman ka Seiñ Raij wei da yoh ya ki kyntien Ngooh Blai na u Nit Dkhar uwa man u waheh ka Seiñraij. 

U S. Phawa uwa man u Secretary ka Seiñ Raij, da khana u wa ha u 2015 da yohbor na ka Seiñraij Jowai wow chna ya kani ka Khnap Thang-bru wei da thooh laad na ki chnat Khloo wow paan yarap na ka sorkar wei da lai noh cha Shillong heiwa u da phah ki wow yachem ya kiwa mihkhmat. 

Ha u Wisu (Mar) 2021, ka chnat da pynheh ko ya i dor chna (Estimate) heiwa da yachem wa ki tangwa ym em man kaam hiwot wei ha u Naikhynde 2021 da lai yachem ya u MLA ka thaaiñ u Kyrmen Shylla ha Shillong heiwa da khana u wa da leh u yeiwa emkaam neiliang yong oo wei ki kot ki sla da lai ki chaphrang ha ka chnat sorkar.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Wei hadien kattu katni por da yoh ya ka Work Order na u MLA wa ka sorkar ha i lut wa T. 33 lak tam wei da pyndep yei kreh du hapoh 6 bnai donhi kamjooh leh ya da e khublei u ya ki waheh ka Seiñraij wa ya u Kyrmen Shylla hajrong ini. 

Da pyntip leh wa u Kyrmen Shylla da e yarap u T. 2 lak wow chna ya ki mootylleiñ mootymmoh hapoh ka chnong. 

U Puramon Kynjing hawa e yei klam da ong u wa i yoh ya kani ka Khnap Thang-bru man ko i burom wa khroo wei i em kani ka yung daw pynsuk ko ya ki paidbah khamtam heipor wa em u slap. 

Da ong u wa i wanrah ya kani ka thaw da wanrah ko yei suk ya ki bru kamjooh wow yada ya ka Rymaw.

U Kyrmen Shylla hawa e yei klam da kynmoo u yei por wa wan ki waheh cha oo wow paan yarap wow chna ya kani ka Khnap Thang-bru heiwa oo leh da sñiawkhia u yeini i kaam. 

Da ong u wa da sñiaw yei yaroh na kiwa klam ynne, tangwa da ong u wa ini toh i kaamram yong phi ki bru kamjooh i kaamram yong oo wow e yeiwa emkaam ki paidbah. 

Chooh chooh da ong u wa kani ka Scheme wow chna ya kani ka khnap toh lyngba ka CMSDF wei neiliang u Montri Rangbah leh da pdiang u yeini wei da yoh ya kani ka Scheme. 

Da ong u leh wa manda poi i por wow pynlait u chna ya u sarok na Shkenpyrsit cha Sanchnong heitæ i por daw man uwa hun mynsien, wei da khoh u leh ya ki kattu katni ki kaam pynroi wa kwah u wow wanrah ha ka thaaiñ ya kawa kynthup leh ka CHC.

Da ong u wa emkaam wow burom kylliang ya iwi na iwi wei ngait skem u wa i em kani ka Khnap daw pynsuk ko ya ki manyung khamtam ha i lut ki dieñ wa i por. 

U Kyrmen da sñiawkmen u wa em ki khon ka Niamtre hadooh katni wa pynneh pynsah ki ya ki riam ki bait wa ki moopynyieñ. 

Da yoh leh i klam na u waheh chnong, u C. Dkhar, u President ka Seiñraij Tuber, u H Phawa, u K. Sympli, u MDC ka Khliehriat u Fineliness Bareh, u MDC ka Tuber u L. Rymbai wa kiwi kiwi. 

Da pynphooh ya kani ka sngi da ki rwai ki khon ka Seiñ Raij Chnong Cham Cham. 

ShareTweetSendShare
Previous Post

Daw pynman ka JSU Jowai Circle ya ki yakob wa har rukom kam chibynta i lehkmen dap 50 snem

Next Post

Daw pynku ka sorkar yei yarap poisa cha kiwa ha-yung kiwa khlaad ha Mukroh

Next Post

Daw pynku ka sorkar yei yarap poisa cha kiwa ha-yung kiwa khlaad ha Mukroh

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar